weekend a Carcassonne 23-24-25 Ottobre 2009

Sabo 24 de otobre i fa na manifestasion a Carcassona par la lengoa ocitana, co mejara de persone, co na gran festa, organixà da le so asociasion culturałi. Carcassona la xe na belisima sità medioevale perfetamente conservà, int'el cuore de la lengoadoca. Ghe so stà sta istà e me so inamorà! Ghe sarà catalani, bretoni, baschi e naturalmente ocitani. Sto ano ghe sarà anca i Veneti, par far conosere la nostra situasion. Semo drio organixare on pulman che el parte dal Veneto, faxendo tapa so i vari caseli de l'autostrada, el venare sera e el torna indrio domenega. Se riva là sabo matina prestin, se visita la sità che xe stupenda, se partecipa ala manifestasion in rapresentansa del Popoło veneto, e ala sera se fa festa co lori. Ala sera se dorme in albergo e fata colasion ala matina se parte par tornare indrio. El costo indicativo deła trasferta, co viajo in pulman GT co do autisti, albergo par na note (co on bon albergo dentro la cità storica) , torno ai 85 euro a testa, forse diritura anca de manco in base al numaro de partesipanti.

Chi che xe interesà a partesipare el pol scrivare a mailto:venetoccitania@gmail.com?subject=Festa . Semo comunque presenti ala Festa dei Veneti a Sitadeła co on bancheto e tuto el materiałe dimostrativo e par tor su le iscrision de chi vol partesipare.
Alessandra - mailto:venetoccitania@gmail.com?subject=FestaResponsabile organizzazione